Nukissiuutinik atuiniviit 1,9 pct.-imik apparput
2020-mi nukissiuutinik atuinivik 8.827 TJ-usimavoq 2019-imi nukissiuutinik atuinivimmut
sanilliullugu 1,9 pct.-imik appasinneruvoq, 2019-imi
nukissiuutinik atuinivik 8.998 TJ-usimavoq.
Nukissiuutinut atuinivinnut, piujuaannartumik nukissiorneq ilaavoq, taannalu
4,7 pct.-imik qaffassimavoq. Olianik imerpalasunik
atuineq 3,3 pct.-imik apparsimavoq. Gasolia, olianit
assigiinngitsunit atorneqarnerpaajusartoq, 7,4 pct.-inik qaffassimavoq, imarsiornermi oqimaannerusunik fueloliamik atuiunnaarsimaneq tassunga pissutaavoq.
Timmisartunut ikummatissaq Jet A-1 45 pct.-imik apparsimavoq, tamanna nappaassuaq Corona
pissutaalluni angallannerup annikinnerusimanera tassunga pissutaavoq.
Silap pissusaa tunngavigalugu nukissiuutinit
atukkanik iluarsiineq 4,5 pct.-imik apparsimavoq
Nukissiuutinik atuiniviit saniatigut silap pissusaa
tunngavigalugu nukissiuutinit atukkanit iluarsiinerit
Naatsorsueqqissaartarfimmit aamma suliarineqarput, Silap pissusaa
nalinginnaasumit allaanerusimagaangat silap pissusaa nalinginnaasoq
tunngavigalugu nukissiuutinit atukkanik iluarsiisoqartarpoq. Taamaasilluni
ineriartornermi allannguutit ersersinneqartarlutik. 2020-mi silap pissusaa
tunngavigalugu nukissiuutinik atuineq 8. 751 TJ-usimavoq,
2019-imut sanilliullugu 4,5 pct.-inik
annikinnerulluni.
Nukissiuutiliorneq pingaarneq aamma nammineq
pilersorneq annertusisoq
2020-mi Kalaallit Nunaanni nukissiuutiliorneq
1.652 TJ-usimavoq, 4,7 pct.-imik
annertusisimalluni. Nukissiuutiliorneq annerpaaq erngup nukinga atorlugu aamma
eqqakkanit pisarpoq. Kalaallit Nunaanni nammineq pilersorneq 18,3 pct.-imut qaffarsimavoq ukioq
sioqqullugu 17,1 pct.-iusimasoq.
2020-mi kissamik pilersuinissap annertunerusimanera nukissiuutiliornerup
nammineq pilersornerup annertusisimaneranut pissutaavoq 2019-imut sanilliullugu
sila nillernerungaatsiarsimagami.
Nukissiuutinik tunisassiornerit pingaarnerit
annertusipput aamma nammineq pilersorsinnaaneq taamatut annertusivoq
Nukissiuutinit tunisassiornerit 2020-mi
qaffapput 4,7 pct.-imik, tunisassiorneq 1.652 TJ-usimalluni. Nukissiuutinit tunisassiorneq pingaarneq
imeq atorlugu nukissiuutinit aamma eqqakkanit pisimavoq. 2020-mi nammineq
pilersorneq 18,3 pct.-iusimavoq
ukiup siuliani 17,1 pct.-iusimasoq.
2020-mi nukissiuutinik tunisassiornerup aamma nammineq pilersornerup
annertusinera, imermit nukissiuutimit imermik pilersuinerup
annertunerusimaneranik pissuteqarpoq, tamanna 2019-imi silap
kiannerungaatsiarsimaneranik pissuteqarpoq.
Innaallagiamik pilersuineq annerpaaq nukissiuutinit
ataavartunit pisarpoq
2020-mi Nukissiorfiit innaallagiamik
tunisassiornera annerpaataa, tassa 79,7 pct.-ia imermik nukissiornermit pivoq. Nukissiorfiit katillugit
1.945 TJ-mik innaallagissamik
tunisassiorsimavoq.
Drivhusgassinik aniatitsineq annikillivoq
Nukissiuutinit atuinernit drivhusgassinik
silaannarmik mingutsitsineq tamarmiusoq 2020-mi 3,3 pct.-imik
annikillivoq, 536.716 ton CO2-ækvivalentiulluni.
1990-imut sanilliullugu 2020-mi silaannarmik mingutsitsineq 14,2 pct.-imik appasinneruvoq.
Nukissiuutsinit atuineq atuisunut
immikkoortillugu
2020-mi nappaassuup Coronap atuunnerata
kingunerisaannik atuiffiusumi Angallassineq aamma assartuineq 26,3 pct.-imik apparpoq, 1.340 TJ-ulluni.
Atuiffiusoq Niuernermik aamma kiffartuussinermik inuussutissarsiortut 6,6 pct.-imik annertusivoq, 1.686 TJ-ulluni.
Tunisassiornermik inuussutissarsiuteqartut akornanni nukissiuutinit atuineq 6,3
pct.-imik qaffappoq, 2.346 TJ-ulluni.